Belagavi NewsBelgaum NewsKannada NewsKarnataka NewsLatest

*ಸಂತ ಮೀರಾ ಆಂಗ್ಲ ಮಾಧ್ಯಮ ಶಾಲೆ, ವಿದ್ಯಾಭಾರತಿ ಕರ್ನಾಟಕ ಸಪ್ತಶಕ್ತಿ ಸಂಗಮ – ಕಾರ್ಯಕ್ರಮ 2025-26*

ಪ್ರಗತಿವಾಹಿನಿ ಸುದ್ದಿ: ಜನಕಲ್ಯಾಣ ಟ್ರಸ್ಟ್‌ನ ಸಂತ ಮೀರಾ ಆಂಗ್ಲ ಮಾಧ್ಯಮ ಶಾಲೆ, ಅನಗೋಳ – ಬೆಳಗಾವಿ ಹಾಗೂ ವಿದ್ಯಾಭಾರತಿ ಕರ್ನಾಟಕ – ಬೆಳಗಾವಿ ಜಿಲ್ಲೆ ಇವರ ಸಂಯುಕ್ತ ಆಶ್ರಯದಲ್ಲಿ ಸಪ್ತಶಕ್ತಿ ಸಂಗಮ ಕಾರ್ಯಕ್ರಮವು ದಿನಾಂಕ 29-11-2025 ರಂದು ಶಾಲೆಯ ಮಾಧವ ಸಭಾಗೃಹದಲ್ಲಿ ವಿಜೃಂಭಣೆಯಿಂದ ಜರುಗಿತು.

ಕಾರ್ಯಕ್ರಮವು ಪೂಜೆ ಮತ್ತು ಸರಸ್ವತಿ ವಂದನೆಯೊಂದಿಗೆ ಶುಭಾರಂಭಗೊಂಡಿತು. ಮುಖ್ಯ ಅತಿಥಿಗಳಾಗಿ ಡಾ. ಸೋನಾಲಿ ಸರ್ನೋಬತ್ ತೃಪ್ತಿ ಹಿರೇಮಠ, ಗೌರಿ ಗಜಬರ, ಸಂತ ಮೀರಾ ಶಾಲೆಯ ಮುಖ್ಯೋಪಾಧ್ಯಾಯನಿ ಮತ್ತು ವಿದ್ಯಾಭಾರತಿ ಕರ್ನಾಟಕ ಪ್ರಾಂತ ಕಾರ್ಯದರ್ಶಿ ಸುಜಾತ ದಪ್ತರದಾರ, ಸಹ ಮುಖ್ಯೋಪಾಧ್ಯಾಯಿನಿ ಋತುಜಾ ಜಾದವ. ವೇದಿಕೆ ಮೇಲೆ ಉಪಸ್ಥಿತರಿದ್ದರು.


ಸೋನಾಲಿಸ್ ಸರ್ನೋಬತ್ ಆರೋಗ್ಯ, ಮತ್ತು ಸಮಾಜದಲ್ಲಿ ಹೆಣ್ಣಿನ ಪಾತ್ರ ಸಾಂಸ್ಕೃತಿಕ ಮೌಲ್ಯಗಳ ಸಂರಕ್ಷಣೆ ಕುರಿತು ಪ್ರೇರಣಾದಾಯಕ ಮಾತುಗಳ ಮೂಲಕ ಕಾರ್ಯಕ್ರಮಕ್ಕೆ ಮಹತ್ವದ ಘನತೆ ತಂದರು.

ಮುಖ್ಯ ಭಾಷಣಕಾರರಾಗಿ ತೃಪ್ತಿ ಹಿರೇಮಠ ಅವರು ಜಿಜಾಬಾಯಿವರು ಶಿವಾಜಿಯಲ್ಲಿ ಮೂಡಿಸಿದ ಧೈರ್ಯ, ದೃಢತೆಯನ್ನು , ಸತ್ಯವನ್ನು , ಎಲ್ಲ ಮಾತೆಯರು ತಮ್ಮ ಮಕ್ಕಳಲ್ಲಿ ಮೂಡಿಸಬೇಕು ಎಂದು ಹೇಳಿದರು.

Home add -Advt


ಸಪ್ತಶಕ್ತಿ ಅನಾವರಣ ಮತ್ತು ಪರಿಸರ
ಸಪ್ತ ದೇವಿಯರ ಶಕ್ತಿ ತತ್ತ್ವ, ಅದರ ಆಂತರಿಕ ಅರ್ಥ ಹಾಗೂ ಮಾನವ ಜೀವನದಲ್ಲಿ ಪ್ರಕೃತಿ – ಪರಿಸರ ಸಂರಕ್ಷಣೆಯ ಮಹತ್ವವನ್ನು ಸುಂದರವಾಗಿ ವಿವರಿಸಿದರು. ಸಪ್ತಶಕ್ತಿಯನ್ನು ಮಕ್ಕಳಲ್ಲಿ ಬೆಳೆಸಬೇಕು ಮತ್ತು ಹಸಿರೆ ಉಸಿರು ಉಸಿರೇ ಹಸಿರು ಎಂದು ಹೇಳಿದರು

ಗೌರಿ ಗಜಬರ ಅವರು ಕುಟುಂಬ ಪ್ರಭೂಧಿನಿ ವ್ಯವಸ್ಥೆಯ ಬಲ, ಮಹಿಳೆಯ ಮಾರ್ಗದರ್ಶನದ ಪಾತ್ರ ಮತ್ತು ಸಂಸ್ಕಾರಯುತ ಸಮಾಜ ನಿರ್ಮಾಣದ ಬಗ್ಗೆ ಹೃದಯಸ್ಪರ್ಶಿ ಉಪನ್ಯಾಸ ನೀಡಿದರು. ಕಾರ್ಯಕ್ರಮದ ನಿರೂಪಣೆಯನ್ನು ತಿಲೋತ್ತಮ ಗುಮಾಸ್ತೇ ಅವರು ಶಿಸ್ತಿನೊಂದಿಗೆ,
ನಿರೂಪಿಸಿದರು. ಅತಿಥಿಗಳ ಸ್ವಾಗತ ಮತ್ತು ಪರಿಚಯ ಶ್ರೀಮತಿ ಅಮೃತಾ ಪೆಟಕರ್ ಮಾಡಿದರು.


ಸಂಕಲ್ಪ ವಂದನೆ ಹಾಗೂ ಸಾಧಕೀಯರಾದ ವೀಣಾ ಜಿಗಿಜಿನಿ ಹಾಗೂ ರಾಧಾ ಗುಣಗಾ ಇವರಿಗೆ ಸನ್ಮಾನಿಸಲಾಯಿತು ಇವರ ಪರಿಚಯವನ್ನು
ವೀಣಾ ಜೋಶಿ ಅವರು ಸಮರ್ಪಕವಾಗಿ ನೆರವೇರಿಸಿದರು. ಪದ್ಮಿನಿ ಕುಲಕರ್ಣಿ ಅವರು ಮನಮೋಹಕ ಗೀತೆಯನ್ನು ಪ್ರಸ್ತುತಪಡಿಸಿದರು. ಈ ಕಾರ್ಯಕ್ರಮದಲ್ಲಿ ಮಹಿಳಾಶಕ್ತಿ, ಸಪ್ತಶಕ್ತಿಗಳ ತಾತ್ವಿಕ ಅರ್ಥ ಹಾಗೂ ಅದರ ಆಧುನಿಕ ಸಮಾಜದಲ್ಲಿ ಪ್ರಸ್ತುತತೆಯ ಕುರಿತು ಸಂಕ್ಷಿಪ್ತ ಚಿಂತನೆ ಹಂಚಿಕೊಳ್ಳಲಾಯಿತು.


ದೇವಿಯರ ಶಕ್ತಿ ತತ್ವವನ್ನು ಪ್ರತಿನಿಧಿಸುವ ಸುಂದರ ಛದ್ಮವೇಶ ಪ್ರದರ್ಶನ ನಡೆಯಿತು. ಪ್ರತಿ ಛದ್ಮವೇಶವೂ ಶಕ್ತಿ–ತತ್ವವನ್ನು ಮನೋಹರವಾಗಿ ಪ್ರತಿಬಿಂಬಿಸಿತು.

ಮುಖ್ಯ ಭಾಷಣಕಾರರಿಂದ ಮೌಲ್ಯಾಧಾರಿತ, ಪ್ರೇರಣಾದಾಯಕ ಹಾಗೂ ಜೀವನೋಪಯೋಗಿ ಉಪನ್ಯಾಸಗಳು ಕಾರ್ಯಕ್ರಮವನ್ನು ಇನ್ನಷ್ಟು ಅರ್ಥಪೂರ್ಣವಾಗಿಸಿತು ಅಧ್ಯಕ್ಷರ ನುಡಿ ಸೋನಾಲಿ ಸರ್ನೊಬತ್ ಮಾಡಿದರು ಈ ಕಾರ್ಯಕ್ರಮಕ್ಕೆ ವಿದ್ಯಾಭಾರತಿ ಕರ್ನಾಟಕ ಪ್ರಾಂತ ಕಾರ್ಯದರ್ಶಿ ಹಾಗೂ ಸಂತ ಮೀರಾ ಶಾಲೆಯ ಮುಖ್ಯೋಪಾಧ್ಯಾಯನಿ ಶ್ರೀಮತಿ ಸುಜಾತ ದಪ್ತರದಾರ ಮಾತಾಜಿ ಪ್ರಾಂತ ಪದಾಧಿಕಾರಿಗಳಾದ ಶ್ರೀಯುತ ರಾಮಕೃಷ್ಣ ಜಿ, ಉಪಾಧ್ಯಕ್ಷರಾದ ಮಾಧವ್ ಪುಣೆಕರ್ ಜಿ. . ಕಿಶೋರ್ ಕಾಕಡೆ ಜಿ ಮಾತಾಜಿ ಸಂತ ಮೇರಾ ಶಾಲೆಯ ಆಡಳಿತ ಮಂಡಳಿಯ ಸದಸ್ಯರು ಸಂತ ಮೀರಾ ಶಾಲೆಯ ಸಮಿತಿಯವರು . ಆರೋಗ್ಯ ಭಾರತೀಯ ವರು, ಸಂಸ್ಕಾರ ವರ್ಗದವರು, ಸಂತಮೀರಾ ಶಾಲೆಯ ಎಲ್ಲ ಶಿಕ್ಷಕರು ಮತ್ತು ಪಾಲಕರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು ಸುಮಾರು-250 ಕ್ಕು ಹೆಚ್ಚು ಜನ ಸಪ್ತಶಕ್ತಿ ಸಂಗಮ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಕಾರ್ಯಕ್ರಮಕ್ಕೆ ಮೆರವು ತಂದು ಕೊಟ್ಟರು ಸ್ವಪ್ನಾ ದೇಶಪಾಂಡೆ,ಜಯಶ್ರೀ ಮೋಟೆ ತಮ್ಮ ಅನಿಸಿಕೆ ಹಂಚಿಕೊಂಡರು.


ಭಾರತ ದೇಶ ಯೋಗಭೂಮಿ ಎಂದು ವಂದನಾರ್ಪಣೆಯನ್ನು ಸುಜಾತ ದಪ್ತರದಾರ್ ಮಾತಾಜಿ, ಮುಖ್ಯೋಪಾಧ್ಯಾಯನಿ, ಸಂತ ಮೀರಾ ಆಂಗ್ಲ ಮಾಧ್ಯಮ ಶಾಲೆ ಮತ್ತು ವಿದ್ಯಾಭಾರತಿ ಕರ್ನಾಟಕ ಪ್ರಾಂತ ಕಾರ್ಯದರ್ಶಿ ಮಾಡಿದರು.

ಕಾರ್ಯಕ್ರಮವು ಶಾಂತಿಮಂತ್ರದೊಂದಿಗೆ ಗೌರವಯುತವಾಗಿ ಮುಕ್ತಾಯಗೊಂಡಿತು. ಈ ಕಾರ್ಯಕ್ರಮದಲ್ಲಿ ಪಾಲಕರು, ಶಿಕ್ಷಕರು ಹಾಗೂ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.

Related Articles

Back to top button