*ರಾಜ್ಯದಲ್ಲಿ ಮತ್ತೆ 53 ತಾಲೂಕುಗಳು ಬರಪೀಡಿತ ಪಟ್ಟಿಗೆ ಸೇರ್ಪಡೆ – ಒಟ್ಟಾರೆ ಸಂಖ್ಯೆ 154ಕ್ಕೆ ಏರಿಕೆ!*

ರಾಜ್ಯದಲ್ಲಿ ಮತ್ತೆ 53 ತಾಲೂಕುಗಳು ಬರಪೀಡಿತ ಪಟ್ಟಿಗೆ ಸೇರ್ಪಡೆ – ಒಟ್ಟಾರೆ ಸಂಖ್ಯೆ 154ಕ್ಕೆ ಏರಿಕೆ!

ಪ್ರಗತಿವಾಹಿನಿ ಸುದ್ದಿ/ ಬೆಂಗಳೂರು: ರಾಜ್ಯದಲ್ಲಿ ಬರದ ಛಾಯೆ ಮತ್ತಷ್ಟು ಆವರಿಸಿದ್ದು, ಕರ್ನಾಟಕ ಸರ್ಕಾರ ಇಂದು ಮತ್ತೆ 53 ತಾಲೂಕುಗಳನ್ನು ಬರಪೀಡಿತ ಎಂದು ಘೋಷಿಸಲು Ground Truthing (GT) ಗೆ ಆದೇಶಿಸಿದೆ. ಈ ಮೂಲಕ ಮೊದಲ ಹಂತದ 101 ತಾಲೂಕುಗಳೊಂದಿಗೆ ಒಟ್ಟು ಬರಪೀಡಿತ ತಾಲೂಕುಗಳ ಸಂಖ್ಯೆ 154ಕ್ಕೆ ಏರಿಕೆಯಾಗಿದೆ.

Home add -Advt

ಕರ್ನಾಟಕ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಆಯುಕ್ತರ ಕಚೇರಿ, ಕಂದಾಯ ಭವನದಿಂದ ದಿನಾಂಕ 17-09-2026 ರಂದು NOTIFICATION-3 ಹೊರಡಿಸಲಾಗಿದೆ. ಉಪಮುಖ್ಯಮಂತ್ರಿ ಹಾಗೂ ಕಂದಾಯ ಸಚಿವರ ನಿರ್ದೇಶನದ ಮೇರೆಗೆ ನಡೆದ ಸೆ.16 ರ ಪರಿಶೀಲನಾ ಸಭೆಯ ನಂತರ ಈ ಆದೇಶ ಹೊರಬಿದ್ದಿದೆ.

ಹಿನ್ನಲೆ ಏನು?
ಆಗಸ್ಟ್ 14ರಂದು 102 ತಾಲೂಕುಗಳ GT ನಡೆಸಿ, ಆ.27ರಂದು 101 ತಾಲೂಕುಗಳನ್ನು ಬರಪೀಡಿತ ಎಂದು ಘೋಷಿಸಲಾಗಿತ್ತು (ಅದರಲ್ಲಿ 89 ತೀವ್ರ, 12 ಸಾಧಾರಣ).

ಈಗ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಮೇಲ್ವಿಚಾರಣಾ ಕೇಂದ್ರ (KSNDMC) ಜೂನ್ 1 ರಿಂದ ಸೆಪ್ಟೆಂಬರ್ 16ರವರೆಗಿನ ವೈಜ್ಞಾನಿಕ ಮೌಲ್ಯಮಾಪನ ನಡೆಸಿದೆ. ಇದರಲ್ಲಿ ಉಳಿದ 139 ತಾಲೂಕುಗಳಲ್ಲಿ 24 ತಾಲೂಕುಗಳು ಹಾಗೂ ಮತ್ತೊಂದು ಹಂತದಲ್ಲಿ 115 ತಾಲೂಕುಗಳಲ್ಲಿ ಪರಿಶೀಲನೆ ನಡೆಸಿ, 17 ಜಿಲ್ಲೆಗಳ 53 ತಾಲೂಕುಗಳು ಬರದ ಮಾನದಂಡಕ್ಕೆ ಒಳಪಟ್ಟಿರುವುದು ಕಂಡುಬಂದಿದೆ.

GT ವೇಳಾಪಟ್ಟಿ:

• GT ಬಗ್ಗೆ ಬ್ರೀಫಿಂಗ್: ಸೆ. 17
• ತಂಡ ರಚನೆ, ಗ್ರಾಮಗಳ ಆಯ್ಕೆ: ಸೆ. 17-18
• ಕ್ಷೇತ್ರದಲ್ಲಿ ಪರಿಶೀಲನೆ: ಸೆ. 19-20
• Form-11 ಸಲ್ಲಿಕೆ: ಸೆ. 21
• DPAR ಅಭಿವೃದ್ಧಿಪಡಿಸಿದ “Crop Loss GT” ಮೊಬೈಲ್ ಆಪ್ ಮೂಲಕ ಜಿಯೋ-ಟ್ಯಾಗ್ ಫೋಟೋ, ಬೆಳೆ ನಷ್ಟದ ವಿವರ ಸಂಗ್ರಹಿಸಲಾಗುವುದು.

ಬೆಳೆ ನಷ್ಟ 33% ಕ್ಕಿಂತ ಹೆಚ್ಚಿದ್ದರೆ ಬರ, 50% ದಾಟಿದರೆ ತೀವ್ರ ಬರ ಎಂದು ಪರಿಗಣಿಸಲಾಗುತ್ತದೆ.

ಹೊಸದಾಗಿ ಸೇರ್ಪಡೆಯಾದ 53 ತಾಲೂಕುಗಳ ಪಟ್ಟಿ:

• ಬೆಳಗಾವಿ (8): ಅಥಣಿ (Severe), ಬೈಲಹೊಂಗಲ, ಬೆಳಗಾವಿ, ಚಿಕ್ಕೋಡಿ, ರಾಯಬಾಗ, ಕಿತ್ತೂರು, ನಿಪ್ಪಾಣಿ, ಮುಧೋಳ, ಯರಗಟ್ಟಿ
• ಕಲಬುರಗಿ (5): ಚಿಂಚೋಳಿ, ಜೇವರ್ಗಿ, ಸೇಡಂ, ಕಾಳಗಿ, ಕಮಲಾಪುರ
• ಬಾಗಲಕೋಟೆ (5): ಬಾದಾಮಿ, ಹುನಗುಂದ, ಮುಧೋಳ, ರಬಕವಿ ಬನಹಟ್ಟಿ, ತೇರದಾಳ (Severe)
• ಚಿತ್ರದುರ್ಗ (3): ಚಿತ್ರದುರ್ಗ (Severe), ಹೊಳಲ್ಕೆರೆ (Severe), ಮೊಳಕಾಲ್ಮುರು (Severe)
• ಹಾವೇರಿ (5): ಬ್ಯಾಡಗಿ, ಹಾನಗಲ್, ಹಾವೇರಿ (Severe), ರಾಣೆಬೆನ್ನೂರು (Severe), ಸವಣೂರು (Severe), ಶಿಗ್ಗಾಂವ
• ವಿಜಯಪುರ (4): ಮುದ್ದೇಬಿಹಾಳ, ಸಿಂದಗಿ (Severe), ದೇವರ ಹಿಪ್ಪರಗಿ, ಆಲಮೇಲ
• ಯಾದಗಿರಿ (5): ಶೋರಾಪುರ, ಯಾದಗಿರಿ, ಗುರುಮಿಠಕಲ್, ವಡಗೇರಾ, ಹುಣಸಗಿ
• ಇತರೆ: ಬೆಂಗಳೂರು ದಕ್ಷಿಣ, ದೊಡ್ಡಬಳ್ಳಾಪುರ (Severe), ಹರಿಹರ (Severe), ಸಿರುಗುಪ್ಪ (Severe), ಕೊಪ್ಪಳ, ಯಲಬುರ್ಗಾ, ಕಮಲನಗರ, ಹುಲಸೂರು, ನರಗುಂದ, ಶಿರಹಟ್ಟಿ, ಲಕ್ಷ್ಮೇಶ್ವರ, ಆಳೂರು, ಬೇಲೂರು (Severe), ಬ್ರಹ್ಮಾವರ, ಕೊಟ್ಟೂರು, ಕೂಡ್ಲಿಗಿ.

53 ತಾಲೂಕುಗಳಲ್ಲಿ ಗ್ರೌಂಡ್ ಟ್ರೂಥಿಂಗ್ ಮಾಡಲು ಅಧಿಸೂಚನೆ.. ಎರಡು ವಾರಗಳ ಕಾಲ ಪರಿಸ್ಥಿತಿ ಅವಲೋಕಿಸಿ ಬಳಿಕ ಅಧಿಕೃತ ಬರ ಘೋಷಣೆ ಮಾಡಲು ನಿರ್ಧಾರ.