ಜಿಮ್ ನಲ್ಲಿ ಬೆದರಿಕೆಯೊಡ್ಡಿ ನಗ್ನಚಿತ್ರ ತೆಗೆಯುತ್ತಿದ್ದ ನಾರಿ ವೇಷಧಾರಿ !

ಪ್ರಗತಿವಾಹಿನಿ ಸುದ್ದಿ, ಪುದುಚೆರಿ: ಮಹಿಳಾ ಫಿಟ್ನೆಸ್ ತರಬೇತುದಾರಳಂತೆ ಪೋಸ್ ನೀಡಿ ಜಿಮ್ ಗೆ ಬಂದ ಮಹಿಳೆಯರಿಗೆ ಬೆದರಿಕೆಯೊಡ್ಡಿ ನಗ್ನ ಚಿತ್ರಗಳನ್ನು ತೆಗೆಯುತ್ತಿದ್ದ ಯುವಕ ಈಗ ಜೈಲುಪಾಲಾಗಿದ್ದಾನೆ.

22 ವರ್ಷದ ದಿವಾಗರ ಹೆಸರಿನ ಯುವಕನನ್ನು ಪುದುಚೇರಿ ಪೊಲೀಸರು ಬಂಧಿಸಿದ್ದು, ಈ ಬಳಿಕ ಈತನ ವಿಕೃತಲೀಲೆಗಳು ಅನಾವರಣಗೊಂಡಿವೆ. ಈತ ಮಹಿಳೆಯಂತೆ ವೇಷ ಧರಿಸಿ ತಾನು ಮಹಿಳೆ ಎಂಬಂತೆ ಬಿಂಬಿಸಿಕೊಳ್ಳುತ್ತಿದ್ದ.

Home add -Advt

ಜಿಮ್ ಗೆ ಬರುತ್ತಿದ್ದ ಮಹಿಳಾ ಗ್ರಾಹಕರ ದೇಹ ರಚನೆಯನ್ನು ಸುಧಾರಿಸಲು ಸಲಹೆಗಳನ್ನು ನೀಡಲು ಅವರ ನಗ್ನ ಚಿತ್ರಗಳನ್ನು ಕಳುಹಿಸಲು ಹೇಳುತ್ತಿದ್ದ. ಅದನ್ನು ನಂಬಿ ಸ್ಪಂದಿಸದ ಮಹಿಳೆಯರ ಛಾಯಾಚಿತ್ರಗಳನ್ನು ಬಳಸಿ ಅವರಿಗೆ ಬೆದರಿಕೆ ಹಾಕಿ ತೆಗೆಯುತ್ತಿದ್ದು, ಈಗ ಈತನ ಕೃತ್ಯಕ್ಕೆ ಮುಳುವಾಗಿದೆ.

ಈ ಕುರಿತು ಗ್ರಾಹಕರೊಬ್ಬರು ನೀಡಿದ ದೂರಿನನ್ವಯ ಪೊಲೀಸರು ಯುವಕನ ಮೊಬೈಲ್ ಫೋನ್ ವಶಪಡಿಸಿಕೊಂಡಿದ್ದು, 10 ನಗ್ನ ವಿಡಿಯೋಗಳು ಪತ್ತೆಯಾಗಿವೆ. ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.