3 ರೀತಿಯ ಬಿಜೆಪಿ ಪಟ್ಟಿ!: ಯಾವುದು ಅಸಲಿ? ಯಾವುದು ನಕಲಿ?
ಪ್ರಗತಿವಾಹಿನಿ ಸುದ್ದಿ, ಬೆಳಗಾವಿ
ಮಾ.26ರಂದು ಬಿಡುಗಡೆ ಮಾಡಿದ್ದೆನ್ನಲಾದ ಭಾರತೀಯ ಜನತಾಪಾರ್ಟಿಯ ಅಭ್ಯರ್ಥಿಗಳ 3 ರೀತಿಯ ಪಟ್ಟಿ ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿದ್ದು, ಮೂಲ ಪಟ್ಟಿ ತಿದ್ದುಪಡಿ ಮಾಡಿ ನಕಲು ಮಾಡಿರುವುದು ಸ್ಪಷ್ಟವಾಗಿದೆ.
ಚಿಕ್ಕೋಡಿಗೆ ಬಿಜೆಪಿಯಿಂದ ಅಣ್ಣಾಸಾಹೇಬ ಜೊಲ್ಲೆ? -ಈ ಪಟ್ಟಿ ನಕಲಿ!
ಒಂದು ಪಟ್ಟಿಯಲ್ಲಿ 39 ಅಭ್ಯರ್ಥಿಗಳ ಹೆಸರಿದೆ. ಇನ್ನೊಂದರಲ್ಲಿ 5 ಅಭ್ಯರ್ಥಿಗಳ ಹೆಸರಿದೆ. ಮತ್ತೊಂದರಲ್ಲಿ 4 ಅಭ್ಯರ್ಥಿಗಳ ಹೆಸರಿದೆ. ಒಂದರಲ್ಲಿ ಚಿಕ್ಕೋಡಿ ಕ್ಷೇತ್ರದ ಅಭ್ಯರ್ಥಿಯ ಹೆಸರು ನಮೂದಿಸಲಾಗಿದೆ. ಚಿಕ್ಕೋಡಿಗೆ ಅಣ್ಣಾಸಾಹೇಬ ಜೊಲ್ಲೆ ಅಭ್ಯರ್ಥಿ ಎಂದು ಹಾಕಲಾಗಿದೆ.
ಆದರೆ ಈ ಪಟ್ಟಿ ತಿದ್ದುವಾಗ ಕ್ಷೇತ್ರದ ಸಂಖ್ಯೆಯನ್ನು ಹಾಗೇ ಉಳಿಸಲಾಗಿದೆ. ಚಿಕ್ಕೋಡಿ ಕ್ಷೇತ್ರದ ಸಂಖ್ಯೆ 1, ಆದರೆ ಈ ಪಟ್ಟಿಯಲ್ಲಿ 16 ಎಂದಿದೆ. ಅಲ್ಲದೆ, ಚಿಕ್ಕೋಡಿಯಲ್ಲಿ ಮತದಾನ 3ನೇ ಹಂತದಲ್ಲಿ, ಆ ಪಟ್ಟಿಯಲ್ಲಿ 2ನೇ ಹಂತ ಎಂದಿದೆ.
ಚಿಕ್ಕೋಡಿ ಕ್ಷೇತ್ರದಲ್ಲಿ ರಮೇಶ ಕತ್ತಿ ಮತ್ತು ಅಣ್ಣಾ ಸಾಹೇಬ ಜೊಲ್ಲೆ ಮಧ್ಯೆ ಟಿಕೆಟ್ ಗಾಗಿ ತೀವ್ರ ಪೈಪೋಟಿ ಮುಂದುವರಿದಿದ್ದು, ಅಂತಿಮ ಪಟ್ಟಿ ಬಿಡುಗಡೆಯಾಗಿಲ್ಲ. ಆದರೆ ಕೆಲವರು ಪಟ್ಟಿಯನ್ನು ನಕಲು ಮಾಡುವ ದುಷ್ಕೃತ್ಯದಲ್ಲಿ ತೊಡಗಿದ್ದಾರೆ.
